kyon faqat bigDe hue haalat ka charcha karen

kyoñ faqat bigḌe hue hālāt kā charchā kareñ

aao ham kuchh dahr meñ behtar kareñ achchhā kareñ

ḳhud tahī-dāman sahī lekin unheñ ai yār-e-man

qīmtī afkār meñ taulā kareñ naapā kareñ

ā.īye chaliye hamāre ghar zarā sun lījiye

haq bhī kahne ke liye is daur meñ parda kareñ

dhuup kī shiddat pe ho tanqīd jaa.ez hai magar

jaur haiñ saa.e meñ kah do vo zarā niklā kareñ

sab kī muTThī meñ agar taqdīr un kī hai to phir

kyoñ gile shikve kareñ ham kyoñ ye vāvailā kareñ

tīrgī hī tīrgī manzil-ba-manzil duur tak

muskurā deñ vo tabī.at se zarā aisā kareñ

ham ne jo chāhā kiyā jo chāheñge hogā yūñhī

dekhne vaale hameñ dekhā kareñ dekhā kareñ

kyon faqat bigDe hue haalat ka charcha karen

aao hum kuchh dahr mein behtar karen achchha karen

KHud tahi-daman sahi lekin unhen ai yar-e-man

qimti afkar mein taula karen napa karen

aaiye chaliye hamare ghar zara sun lijiye

haq bhi kahne ke liye is daur mein parda karen

dhup ki shiddat pe ho tanqid jaez hai magar

jaur hain sae mein kah do wo zara nikla karen

sab ki muTThi mein agar taqdir un ki hai to phir

kyon gile shikwe karen hum kyon ye wawaila karen

tirgi hi tirgi manzil-ba-manzil dur tak

muskura den wo tabiat se zara aisa karen

hum ne jo chaha kiya jo chahenge hoga yunhi

dekhne wale hamein dekha karen dekha karen