kyon kaha pas tere aaina-e-dil na rahe

kyoñ kahā paas tire ā.ina-e-dil na rahe

kyā ye ḳhvāhish hai koī terā muqābil na rahe

tālib-e-dard ko matlūb hai sāmān-e-tapish

nashtar-e-ġham rahe pahlū meñ agar dil na rahe

un kī ye zid hai nirālī ki mire siine meñ

dil-e-vārafta rahe ārzū-e-dil na rahe

haath bismil ne baḌhāyā hai lipaT jaane ko

ki kafan ban ke rahe dāman-e-qātil na rahe

rahrav-e-rāh-e-mohabbat ko hidāyat ye hai

jāda-paimā.ī rahe hasrat-e-manzil na rahe

ḳhāna-e-dil meñ utarne kā ye matlab Thahrā

mehmāñ ban ke rahe ḳhanjar-e-qātil na rahe

qatl-e-ushshāq se qātil kā ye matlab to nahīñ

ġhāyat-e-ishq-o-vafā uqda-e-mushkil na rahe

de ke jaañ is liye letā huuñ sukūn-e-ḳhātir

dā.imī ban ke rahe daulat-e-ājil na rahe

kyoñ ḳhafā hote ho dīvānoñ kī ḳhvāhish ye hai

naġhma-e-ishq bane shor-e-salāsil na rahe

nazr-e-ġham is liye kī jān-e-hazīñ 'bedil' ne

us kī gardan pe kahīñ minnat-e-qātil na rahe

kyon kaha pas tere aaina-e-dil na rahe

kya ye KHwahish hai koi tera muqabil na rahe

talib-e-dard ko matlub hai saman-e-tapish

nashtar-e-gham rahe pahlu mein agar dil na rahe

un ki ye zid hai nirali ki mere sine mein

dil-e-warafta rahe aarzu-e-dil na rahe

hath bismil ne baDhaya hai lipaT jaane ko

ki kafan ban ke rahe daman-e-qatil na rahe

rahraw-e-rah-e-mohabbat ko hidayat ye hai

jada-paimai rahe hasrat-e-manzil na rahe

KHana-e-dil mein utarne ka ye matlab Thahra

mehman ban ke rahe KHanjar-e-qatil na rahe

qatl-e-ushshaq se qatil ka ye matlab to nahin

ghayat-e-ishq-o-wafa uqda-e-mushkil na rahe

de ke jaan is liye leta hun sukun-e-KHatir

daimi ban ke rahe daulat-e-ajil na rahe

kyon KHafa hote ho diwanon ki KHwahish ye hai

naghma-e-ishq bane shor-e-salasil na rahe

nazr-e-gham is liye ki jaan-e-hazin 'bedil' ne

us ki gardan pe kahin minnat-e-qatil na rahe