kyon kisi se ho shikayat aapko

kyoñ kisī se ho shikāyat aap ko

aap hī se hai mohabbat aap ko

har taraf raqsāñ fareb-e-iltifāt

muskurāne kī hai aadat aap ko

jaane kab tak sabr karnā hai hameñ

jaane kab hogī nadāmat aap ko

quvvat-e-bardāsht merī kam na ho

aur ḳhudā rakhe salāmat aap ko

farq paḌtā kuchh to kartā arz kuchh

kyā sunā.ūñ dil kī durgat aap ko

muskurā detā huuñ maiñ taklīf meñ

aur ho jaatī hai zahmat aap ko

kis ko 'rāġhib' ab vafā kā paas hai

kyoñ na ham samjheñ ġhanīmat aap ko

kyon kisi se ho shikayat aap ko

aap hi se hai mohabbat aap ko

har taraf raqsan fareb-e-iltifat

muskurane ki hai aadat aap ko

jaane kab tak sabr karna hai hamein

jaane kab hogi nadamat aap ko

quwwat-e-bardasht meri kam na ho

aur KHuda rakhe salamat aap ko

farq paDta kuchh to karta arz kuchh

kya sunaun dil ki durgat aap ko

muskura deta hun main taklif mein

aur ho jati hai zahmat aap ko

kis ko 'raghib' ab wafa ka pas hai

kyon na hum samjhen ghanimat aap ko