kyon yaad na aaen mujhe us yar ki baaten

kyoñ yaad na aa.eñ mujhe us yaar kī bāteñ

ham se jo sadā kartā rahā pyaar kī bāteñ

haañ baat to jab hai ki mileñ hañs ke hamesha

yuuñ ishq meñ hotī nahīñ takrār kī bāteñ

āñkhoñ se ye zāhir hai mohabbat hai tumheñ bhī

inkār meñ poshīda haiñ iqrār kī bāteñ

jo mujh pe guzartī hai judā.ī meñ tumhārī

kyā tum se batā.ūñ maiñ dil-e-zār kī bāteñ

'ramman' jo satātā hai zamāna to satā.e

ham par yahī lāzim hai kareñ pyaar kī bāteñ

kyon yaad na aaen mujhe us yar ki baaten

hum se jo sada karta raha pyar ki baaten

han baat to jab hai ki milen hans ke hamesha

yun ishq mein hoti nahin takrar ki baaten

aankhon se ye zahir hai mohabbat hai tumhein bhi

inkar mein poshida hain iqrar ki baaten

jo mujh pe guzarti hai judai mein tumhaari

kya tum se bataun main dil-e-zar ki baaten

'ramman' jo satata hai zamana to satae

hum par yahi lazim hai karen pyar ki baaten