kyun ho bahana-ju na qaza sar se panw tak

kyuuñ ho bahāna-jū na qazā sar se paañv tak

zālim meñ aap kī hai adā sar se paañv tak

sākit haiñ ba.ad-e-marg qavā sar se paañv tak

mohreñ lagā ga.ī hai qazā sar se paañv tak

ghere thī tujh ko barq-adā sar se paañv tak

kyuuñ naḳhl-e-tūr jal na gayā sar se paañv tak

zanjīr ban ga.ī hai qazā sar se paañv tak

goyā rageñ haiñ dām-e-balā sar se paañv tak

maiñ ḳhud zabān-e-shukr banā sar se paañv tak

Duube na kyuuñ asar meñ duā sar se paañv tak

muñh chāñd us pe zulf-e-rasā sar se paañv tak

kyuuñ loT-poT ho na adā sar se paañv tak

qāsid kahe gayā mirī zardī-e-ruḳh kā haal

is dāstāñ ko ḳhuub rañgā sar se paañv tak

ai sham.a tujh se saaf maiñ kahtā huuñ dil kā haal

jalnā hī thā to jal na gayā sar se paañv tak

shāyad sabā ḳhizāñ kā fasāna sunā ga.ī

har naḳhl-e-bāġh kaañp gayā sar se paañv tak

dariyā-e-ishq meñ mujhe rakhnā na thā qadam

Duubā to ḳhuub Duub gayā sar se paañv tak

lī naḳhl-e-tūr kī na ḳhabar tum ne ai kalīm

tum dekhte rahe vo jalā sar se paañv tak

āġhāz hī meñ aap ne kar dī zabān band

qissa hamārā sun na liyā sar se paañv tak

phailā.eñ yā na haath ko phailā.eñ sharm se

dast-e-talab haiñ tere gadā sar se paañv tak

terā kahāñ jamāl kahāñ jalva-gāh-e-tūr

muusā ne phir na dekh liyā sar se paañv tak

allāh 'shād' ġhair kī ye aib-jūiyāñ

tū ḳhud pe kar nigāh zarā sar se paañv tak

kyun ho bahana-ju na qaza sar se panw tak

zalim mein aap ki hai ada sar se panw tak

sakit hain baad-e-marg qawa sar se panw tak

mohren laga gai hai qaza sar se panw tak

ghere thi tujh ko barq-ada sar se panw tak

kyun naKHl-e-tur jal na gaya sar se panw tak

zanjir ban gai hai qaza sar se panw tak

goya ragen hain dam-e-bala sar se panw tak

main KHud zaban-e-shukr bana sar se panw tak

Dube na kyun asar mein dua sar se panw tak

munh chand us pe zulf-e-rasa sar se panw tak

kyun loT-poT ho na ada sar se panw tak

qasid kahe gaya meri zardi-e-ruKH ka haal

is dastan ko KHub ranga sar se panw tak

ai shama tujh se saf main kahta hun dil ka haal

jalna hi tha to jal na gaya sar se panw tak

shayad saba KHizan ka fasana suna gai

har naKHl-e-bagh kanp gaya sar se panw tak

dariya-e-ishq mein mujhe rakhna na tha qadam

Duba to KHub Dub gaya sar se panw tak

li naKHl-e-tur ki na KHabar tum ne ai kalim

tum dekhte rahe wo jala sar se panw tak

aaghaz hi mein aap ne kar di zaban band

qissa hamara sun na liya sar se panw tak

phailaen ya na hath ko phailaen sharm se

dast-e-talab hain tere gada sar se panw tak

tera kahan jamal kahan jalwa-gah-e-tur

musa ne phir na dekh liya sar se panw tak

allah 'shad' ghair ki ye aib-juiyan

tu KHud pe kar nigah zara sar se panw tak