lalin labon se ab wo gul-afshan hue to hain

lā'līñ laboñ se ab vo gul-afshāñ hue to haiñ

firdaus-e-gosh-o-lutf-e-dil-o-jāñ hue to haiñ

hālāt kuchh na.e se numāyāñ hue to haiñ

phir inqalāb-e-zīst ke sāmāñ hue to haiñ

sahn-e-chaman meñ lāla-o-gul sarv-o-yāsman

jalva-tarāz-e-fasl-e-bahārāñ hue to haiñ

vāqif na the jo gardish-e-daurāñ hai chiiz kyā

ab āshnā vo kaif-badāmāñ hue to haiñ

kal tak jo ahl-e-'ishq vafā par the ḳhanda-zan

vo ḳhud bhī aaj chāk-garebāñ hue to haiñ

un ko hai barhamī mire ehsās-e-‘ishq par

lekin vo munfa'il kisī 'unvāñ hue to haiñ

'in'ām' zindagī kī kashākash ke bāvajūd

is saḳht daur meñ bhī ġhazal-ḳhvāñ hue to haiñ

la'lin labon se ab wo gul-afshan hue to hain

firdaus-e-gosh-o-lutf-e-dil-o-jaan hue to hain

haalat kuchh nae se numayan hue to hain

phir inqalab-e-zist ke saman hue to hain

sahn-e-chaman mein lala-o-gul sarw-o-yasman

jalwa-taraaz-e-fasl-e-bahaaran hue to hain

waqif na the jo gardish-e-dauran hai chiz kya

ab aashna wo kaif-badaman hue to hain

kal tak jo ahl-e-'ishq wafa par the KHanda-zan

wo KHud bhi aaj chaak-gareban hue to hain

un ko hai barhami mere ehsas-e-‘ishq par

lekin wo munfa'il kisi 'unwan hue to hain

'in'am' zindagi ki kashakash ke bawajud

is saKHt daur mein bhi ghazal-KHwan hue to hain