laegi rang aap ki ye dil-lagi kuchh aur

lā.egī rañg aap kī ye dil-lagī kuchh aur

baḌh kar rahegī ab mirī āshuftagī kuchh aur

mujh par khuleñge aur abhī rāz-hā-e-ishq

dil ko milegī lazzat-e-bechārgī kuchh aur

merī hayāt ishq hai tamhīd-e-imbisāt

jalve dikhā.egī mujhe ḳhud-raftagī kuchh aur

un kī taraf hai chashm-e-suḳhan go dam-e-aḳhīr

us ke sivā nahīñ asar-e-zindagī kuchh aur

haañ ai ḳhayāl-e-dost dikhā dost ko dikhā

baaqī kuchh aur hai havas-e-bandagī kuchh aur

rahtā na itnā duur maiñ us jalva-gāh se

ai kaash ubhārtā ġham-e-uftādgī kuchh aur

va.ade yūñhī jo karte raheñge vo nau-ba-nau

hāsil karūñgā maiñ tarab-e-zindagī kuchh aur

'manzūr' ik nigāh-e-tarab-soz ke sivā

dekhā na ham ne hāsil-e-sharmindagī kuchh aur

laegi rang aap ki ye dil-lagi kuchh aur

baDh kar rahegi ab meri aashuftagi kuchh aur

mujh par khulenge aur abhi raaz-ha-e-ishq

dil ko milegi lazzat-e-bechaargi kuchh aur

meri hayat ishq hai tamhid-e-imbisat

jalwe dikhaegi mujhe KHud-raftagi kuchh aur

un ki taraf hai chashm-e-suKHan go dam-e-aKHir

us ke siwa nahin asar-e-zindagi kuchh aur

han ai KHayal-e-dost dikha dost ko dikha

baqi kuchh aur hai hawas-e-bandagi kuchh aur

rahta na itna dur main us jalwa-gah se

ai kash ubhaarta gham-e-uftadgi kuchh aur

wade yunhi jo karte rahenge wo nau-ba-nau

hasil karunga main tarab-e-zindagi kuchh aur

'manzur' ek nigah-e-tarab-soz ke siwa

dekha na hum ne hasil-e-sharmindagi kuchh aur