lakh aap par shabab ho kya is se faeda

laakh aap par shabāb ho kyā is se fā.eda

dil hī ko jab na taab ho kyā is se fā.eda

manzil agar ai shaiḳh bil-āḳhir bahisht hai

kaisā bhī phir hisāb ho kyā is se fā.eda

apnā yahī savāl ho inkār-e-vasl kyoñ

un kā yahī javāb ho kyā is se fā.eda

nuqsān is se kyā hai jo mahshar meñ baḳhshe jaa.eñ

ham ko agar 'azāb ho kyā is se fā.eda

mā'shūq-e-nek-ḳhū na mohabbat meñ chāhiye

niyyat na jab ḳharāb ho kyā is se fā.eda

kaafī janāb-e-dil ko haiñ un kī nazar ke tiir

chehre pe go naqāb ho kyā is se fā.eda

qismat hī meñ shikast hai 'āshiq kī ai kalīm

kitnī bhī tum meñ taab ho kyā is se fā.eda

'hāris' tamām rind jahannum meñ jā.eñge

jannat meñ kyoñ sharāb ho kyā is se fā.eda

lakh aap par shabab ho kya is se faeda

dil hi ko jab na tab ho kya is se faeda

manzil agar ai shaiKH bil-aKHir bahisht hai

kaisa bhi phir hisab ho kya is se faeda

apna yahi sawal ho inkar-e-wasl kyon

un ka yahi jawab ho kya is se faeda

nuqsan is se kya hai jo mahshar mein baKHshe jaen

hum ko agar 'azab ho kya is se faeda

ma'shuq-e-nek-KHu na mohabbat mein chahiye

niyyat na jab KHarab ho kya is se faeda

kafi janab-e-dil ko hain un ki nazar ke tir

chehre pe go naqab ho kya is se faeda

qismat hi mein shikast hai 'ashiq ki ai kalim

kitni bhi tum mein tab ho kya is se faeda

'haaris' tamam rind jahannum mein jaenge

jannat mein kyon sharab ho kya is se faeda