lakh biTha le koi pahre hum ko mohabbat karni hai

laakh biThā le koī pahre ham ko mohabbat karnī hai

ham to dhun ke pakke Thahre ham ko mohabbat karnī hai

pul tā'mīr kareñge koī ham un ke aur apne biich

sun ai hijr ke paanī gahre ham ko mohabbat karnī hai

us ke qurb kī ThanDī chhāñv ḳhvāb parinde shaam shajar

duur nikal ġham ke do-pahre ham ko mohabbat karnī hai

hameñ mu'āf rakhe ye duniyā in be-kār kī bātoñ se

ham achchhe haiñ gūñge bahre ham ko mohabbat karnī hai

apnī āñkhoñ kī surḳhī se hameñ ye hausla miltā hai

in meñ sajā kar ḳhvāb sunahre ham ko mohabbat karnī hai

dil kī saiñkaḌoñ parteñ haiñ aur har ik parat meñ terā pyaar

jaleñ mareñ ye log ikahre ham ko mohabbat karnī hai

lakh biTha le koi pahre hum ko mohabbat karni hai

hum to dhun ke pakke Thahre hum ko mohabbat karni hai

pul ta'mir karenge koi hum un ke aur apne bich

sun ai hijr ke pani gahre hum ko mohabbat karni hai

us ke qurb ki ThanDi chhanw KHwab parinde sham shajar

dur nikal gham ke do-pahre hum ko mohabbat karni hai

hamein mu'af rakhe ye duniya in be-kar ki baaton se

hum achchhe hain gunge bahre hum ko mohabbat karni hai

apni aankhon ki surKHi se hamein ye hausla milta hai

in mein saja kar KHwab sunahre hum ko mohabbat karni hai

dil ki sainkaDon parten hain aur har ek parat mein tera pyar

jalen maren ye log ikahre hum ko mohabbat karni hai