lakh mujhe dosh pe sar chahiye

laakh mujhe dosh pe sar chāhiye

sail-e-balā ko mirā ghar chāhiye

zād-e-safar se kahīñ kaTtī hai raah

dil meñ faqat shauq-e-safar chāhiye

ḳhair ho tābānī-e-ḳhurshīd kī

shab ke dulāroñ ko sahar chāhiye

ab ye talab hai ki havas chhoḌiye

peḌ nahīñ mujh ko samar chāhiye

māñgte haiñ vo bhī zamīñ se murād

sū-e-falak jin kī nazar chāhiye

ab unheñ sāhil na Dubo de jinheñ

paar utarne ko bhañvar chāhiye

mujh ko to hai ḳhāna-ḳharābī pasand

aap kaheñ kis liye ghar chāhiye

mujh sā bhī me.ār-talab kaun hai

dukh bhī mujhe koī amar chāhiye

kuchh nahīñ aatā to ḳhushāmad hī siikh

haath meñ koī to hunar chāhiye

pūchh to luuñ rāhzan-e-vaqt se

merī kalā yā mirā sar chāhiye

teġh kī 'rāshid' thī zarūrat mujhe

maiñ ye samajhtā thā sipar chāhiye

lakh mujhe dosh pe sar chahiye

sail-e-bala ko mera ghar chahiye

zad-e-safar se kahin kaTti hai rah

dil mein faqat shauq-e-safar chahiye

KHair ho tabani-e-KHurshid ki

shab ke dularon ko sahar chahiye

ab ye talab hai ki hawas chhoDiye

peD nahin mujh ko samar chahiye

mangte hain wo bhi zamin se murad

su-e-falak jin ki nazar chahiye

ab unhen sahil na Dubo de jinhen

par utarne ko bhanwar chahiye

mujh ko to hai KHana-KHarabi pasand

aap kahen kis liye ghar chahiye

mujh sa bhi mear-talab kaun hai

dukh bhi mujhe koi amar chahiye

kuchh nahin aata to KHushamad hi sikh

hath mein koi to hunar chahiye

puchh to lun rahzan-e-waqt se

meri kala ya mera sar chahiye

tegh ki 'rashid' thi zarurat mujhe

main ye samajhta tha sipar chahiye