lakh taklif den rishton ke khanDar aaj ke baad

laakh taklīf deñ rishtoñ ke khañDar aaj ke baad

ham kabhī chhoḌ ke jā.eñge na ghar aaj ke baad

aa.e din apnī hī peshānī huī hai majrūh

pattharo tum se na Takrā.eñge sar aaj ke baad

ab na ā.īna hī koī hai na ā.īna-sifat

ḳhatm hai mas.ala-e-aib-o-hunar aaj ke baad

apnī parvāz pe har lamha jo hogī tanqīd

kaise phailā.eñge ham bāzū-o-par aaj ke ba.ad

ghol de saarī fazāoñ meñ ḳhudā amn hī amn

ḳhuun ro.eñ na kahīñ shām-o-sahar aaj ke baad

koī jugnū hī sahī saath nibhā.egā zarūr

hai jo qismat meñ ujāloñ kā safar aaj ke baad

lakh taklif den rishton ke khanDar aaj ke baad

hum kabhi chhoD ke jaenge na ghar aaj ke baad

aae din apni hi peshani hui hai majruh

pattharo tum se na Takraenge sar aaj ke baad

ab na aaina hi koi hai na aaina-sifat

KHatm hai masala-e-aib-o-hunar aaj ke baad

apni parwaz pe har lamha jo hogi tanqid

kaise phailaenge hum bazu-o-par aaj ke baad

ghol de sari fazaon mein KHuda amn hi amn

KHun roen na kahin sham-o-sahar aaj ke baad

koi jugnu hi sahi sath nibhaega zarur

hai jo qismat mein ujalon ka safar aaj ke baad