lala-o-gul ka lahu bhi raegan hone laga

lāla-o-gul kā lahū bhī rā.egāñ hone lagā

pañkhuḌī par qatra-e-shabnam garāñ hone lagā

rafta rafta aañkh se aañsū ravāñ hone lagā

vaqt ke ḳhāke meñ naqsh-e-jāvedāñ hone lagā

is tarah tahrīr ke alfāz lau dene lage

dekhte hī dekhte kāġhaz dhuāñ hone lagā

silsile tahrīr ke manzil-ba-manzil tai hue

lafz jo maiñ ne likhā vo kārvāñ hone lagā

jab se nazreñ mahv-e-taz.īn-e-nazārā ho ga.iiñ

aa.ina ijz-e-numā.ish kī zabāñ hone lagā

kyā ḳhizāñ ne rañg-o-nik.hat par kamandeñ Daal diiñ

kyuuñ lab-e-gul kā tabassum bhī fuġhāñ hone lagā

raushnī kī saltanat bhī gul-badāmāñ ho ga.ī

ek sho.ala mom par jab hukmarāñ hone lagā

lala-o-gul ka lahu bhi raegan hone laga

pankhuDi par qatra-e-shabnam garan hone laga

rafta rafta aankh se aansu rawan hone laga

waqt ke KHake mein naqsh-e-jawedan hone laga

is tarah tahrir ke alfaz lau dene lage

dekhte hi dekhte kaghaz dhuan hone laga

silsile tahrir ke manzil-ba-manzil tai hue

lafz jo main ne likha wo karwan hone laga

jab se nazren mahw-e-tazin-e-nazara ho gain

aaina ijz-e-numaish ki zaban hone laga

kya KHizan ne rang-o-nikhat par kamanden Dal din

kyun lab-e-gul ka tabassum bhi fughan hone laga

raushni ki saltanat bhi gul-badaman ho gai

ek shoala mom par jab hukmaran hone laga