lab-e-jaan-baKHsh ke miThe ka tere jo maza paya

lab-e-jāñ-baḳhsh ke mīThe kā tere jo maza paayā

to chashma zindagī kā apnī labrez-e-baqā paayā

na ho.e kyuuñ ba-sad jaañ dil mirā maftūñ tirā jānāñ

ki har jalve meñ tere yak karishma maiñ judā paayā

do-bālā kyuuñ na ho nashsha dil-e-hairāñ kī hairat kā

jo tujh ko sab meñ aur tere meñ sab ko barmalā paayā

tirī ik gadish-e-mizgāñ se yuuñ be-tāb-o-tāqat huuñ

na kah saktā huuñ kuchh gar koī pūchhe tū ne kyā paayā

na duniyā us meñ rah paave na uqbā us ko phailāve

dil-e-'āgāh' ke kausar meñ jin ne inzivā paayā

lab-e-jaan-baKHsh ke miThe ka tere jo maza paya

to chashma zindagi ka apni labrez-e-baqa paya

na hoe kyun ba-sad jaan dil mera maftun tera jaanan

ki har jalwe mein tere yak karishma main juda paya

do-baala kyun na ho nashsha dil-e-hairan ki hairat ka

jo tujh ko sab mein aur tere mein sab ko barmala paya

teri ek gadish-e-mizgan se yun be-tab-o-taqat hun

na kah sakta hun kuchh gar koi puchhe tu ne kya paya

na duniya us mein rah pawe na uqba us ko phailawe

dil-e-'agah' ke kausar mein jin ne inziwa paya