lab-e-KHamosh mera baat se ziyaada hai

lab-e-ḳhamosh mirā baat se ziyāda hai

tirā firāq mulāqāt se ziyāda hai

bas ik ġhubār se baḌh kar nahīñ siyāhat-e-ḳhāk

magar ye sair-e-samāvāt se ziyāda hai

ye ik shikast jo ham ko huī mohabbat meñ

zamāne bhar kī futūhāt se ziyāda hai

bahut hī ġhaur se suntā huuñ dil kī dhaḌkan ko

ye ik sadā sabhī asvāt se ziyāda hai

umiid bhī tire aane kī aaj kam hai idhar

ye dil kā dard bhī kal raat se ziyāda hai

maiñ us se ishq to kar baiThā huuñ magar 'tāriq'

ye silsila mirī auqāt se ziyāda hai

lab-e-KHamosh mera baat se ziyaada hai

tera firaq mulaqat se ziyaada hai

bas ek ghubar se baDh kar nahin siyahat-e-KHak

magar ye sair-e-samawat se ziyaada hai

ye ek shikast jo hum ko hui mohabbat mein

zamane bhar ki futuhat se ziyaada hai

bahut hi ghaur se sunta hun dil ki dhaDkan ko

ye ek sada sabhi aswat se ziyaada hai

umid bhi tere aane ki aaj kam hai idhar

ye dil ka dard bhi kal raat se ziyaada hai

main us se ishq to kar baiTha hun magar 'tariq'

ye silsila meri auqat se ziyaada hai