lab-e-rangin se agar tu guhar-afshan hota

lab-e-rañgīñ se agar tū guhar-afshāñ hotā

lucknow lāloñ ke mādan se badaḳhshāñ hotā

ai parī tū vo parī hai ki tirī dekh ke shakl

har farishta kī tamannā hai ki insāñ hotā

rah gayā parda mirā varna tire jaate hī

na ye dāman nazar aatā na garebāñ hotā

aa nikaltā kabhī zāhid jo tirī mahfil meñ

haath meñ shīsha-e-mai taaq pe qur.āñ hotā

ḳhair guzrī jo khule bāloñ ko us ne bāñdhā

varna majmūa anāsir kā pareshāñ hotā

mar gayā zulf kī maiñ pech uThā kar ai 'barq'

kyuuñ na afsāna mirā ḳhvāb-e-pareshāñ hotā

lab-e-rangin se agar tu guhar-afshan hota

lucknow lalon ke madan se badaKHshan hota

ai pari tu wo pari hai ki teri dekh ke shakl

har farishta ki tamanna hai ki insan hota

rah gaya parda mera warna tere jate hi

na ye daman nazar aata na gareban hota

aa nikalta kabhi zahid jo teri mahfil mein

hath mein shisha-e-mai taq pe quran hota

KHair guzri jo khule baalon ko us ne bandha

warna majmua anasir ka pareshan hota

mar gaya zulf ki main pech uTha kar ai 'barq'

kyun na afsana mera KHwab-e-pareshan hota