labon pe lala-o-gul ke wo ab hansi na rahi

laboñ pe lāla-o-gul ke vo ab hañsī na rahī

nasīm-e-sub.h ke jhoñkoñ meñ tāzgī na rahī

ye aaj kaisī pilā.ī hai ai mire saaqī

ḳhudī kā daur gayā aur be-ḳhudī na rahī

kiyā agarche bahut pā.emāl gardūñ ne

tire sitam kī bhī zālim magar kamī na rahī

kisī ne rū-e-hasīñ se naqāb kyā ulTī

falak pe chāñd sitāroñ meñ raushnī na rahī

zarūr ā.eñge vo ab yaqīn hai mujh ko

dil-e-hazīñ meñ vo pahlī sī bekalī na rahī

na mujh se pūchh tū rūdād-e-zindagī 'paikāñ'

jahān-e-zīst meñ koī bhī dilkashī na rahī

labon pe lala-o-gul ke wo ab hansi na rahi

nasim-e-subh ke jhonkon mein tazgi na rahi

ye aaj kaisi pilai hai ai mere saqi

KHudi ka daur gaya aur be-KHudi na rahi

kiya agarche bahut paemal gardun ne

tere sitam ki bhi zalim magar kami na rahi

kisi ne ru-e-hasin se naqab kya ulTi

falak pe chand sitaron mein raushni na rahi

zarur aaenge wo ab yaqin hai mujh ko

dil-e-hazin mein wo pahli si bekali na rahi

na mujh se puchh tu rudad-e-zindagi 'paikan'

jahan-e-zist mein koi bhi dilkashi na rahi