labon se go abhi kahte nahin ho

laboñ se go abhī kahte nahīñ ho

mohabbat tum bhī kam karte nahīñ ho

shajar par dekh ke ḳhush ho rahe ho

samar ko toḌ kar chakhte nahīñ ho

maiñ tum pe ruk ga.ī huuñ jhiil jaise

magar dariyā ho tum rukte nahīñ ho

mohabbat tujh ko ashkoñ se bhī sīñchā

vo paude ho ki jo baḌhte nahīñ ho

bahut maġhrūr hote jā rahe ho

ye kyā ki baat bhī karte nahīñ ho

sabhī se dūsrā haT ho rahī hai

magar tum dūsre lagte nahīñ ho

mirī āñkhoñ se ḳhud ko dekh lenā

kisī hero se kam lagte nahīñ ho

tumheñ yuuñ bhī to mar jaanā hai ik din

'samīna' par magar marte nahīñ ho

labon se go abhi kahte nahin ho

mohabbat tum bhi kam karte nahin ho

shajar par dekh ke KHush ho rahe ho

samar ko toD kar chakhte nahin ho

main tum pe ruk gai hun jhil jaise

magar dariya ho tum rukte nahin ho

mohabbat tujh ko ashkon se bhi sincha

wo paude ho ki jo baDhte nahin ho

bahut maghrur hote ja rahe ho

ye kya ki baat bhi karte nahin ho

sabhi se dusra haT ho rahi hai

magar tum dusre lagte nahin ho

meri aankhon se KHud ko dekh lena

kisi hero se kam lagte nahin ho

tumhein yun bhi to mar jaana hai ek din

'samina' par magar marte nahin ho