ladi hai phulon se phir bhi udas lagti hai
ladī hai phūloñ se phir bhī udaas lagtī hai
ye shāḳh mujh ko mirī ġham-shanās lagtī hai
kisī kitāb ke andar dabī huī titlī
usī kitāb kā ik iqtibās lagtī hai
vo maut hī hai jo detī hai sau tarah ke libās
ye zindagī hai ki jo be-libās lagtī hai
thī qahqahoñ kī tamannā to aa ga.e aañsū
ḳhushī kī aarzū ġham kī asaas lagtī hai
uThā ke dekh sarāboñ ke aa.ine ko zarā
nadī ke paas bhalā kis ko pyaas lagtī hai
ladi hai phulon se phir bhi udas lagti hai
ye shaKH mujh ko meri gham-shanas lagti hai
kisi kitab ke andar dabi hui titli
usi kitab ka ek iqtibas lagti hai
wo maut hi hai jo deti hai sau tarah ke libas
ye zindagi hai ki jo be-libas lagti hai
thi qahqahon ki tamanna to aa gae aansu
KHushi ki aarzu gham ki asas lagti hai
uTha ke dekh sarabon ke aaine ko zara
nadi ke pas bhala kis ko pyas lagti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
