laDte hue duniya ki zarurat ke liye hum

laḌte hue duniyā kī zarūrat ke liye ham

mar jā.eñge ik roz mohabbat ke liye ham

rakkhe nahīñ ham se koī iḳhlās kī ummīd

bāzār meñ baiThe haiñ tijārat ke liye ham

daulat na siyāsat na qayādat na hukūmat

mujrim haiñ faqat apnī jihālat ke liye ham

duniyā ke har ik lutf ko ham chhoḌ deñ vaa.iz

itne bhī pareshāñ nahīñ jannat ke liye ham

hindī kī hifāzat ke liye jaise the 'rasḳhān'

vaise hī haiñ urdu kī hifāzat ke liye ham

aise hī to talvār uThāte bhī nahīñ hai

majbūr hue hoñge baġhāvat ke liye ham

jo haal thā pahle vahī hai haal abhī bhī

kuchh bhī nahīñ kar paa.e mohabbat ke liye ham

laDte hue duniya ki zarurat ke liye hum

mar jaenge ek roz mohabbat ke liye hum

rakkhe nahin hum se koi iKHlas ki ummid

bazar mein baiThe hain tijarat ke liye hum

daulat na siyasat na qayaadat na hukumat

mujrim hain faqat apni jihaalat ke liye hum

duniya ke har ek lutf ko hum chhoD den waiz

itne bhi pareshan nahin jannat ke liye hum

hindi ki hifazat ke liye jaise the 'rasKHan'

waise hi hain urdu ki hifazat ke liye hum

aise hi to talwar uThate bhi nahin hai

majbur hue honge baghawat ke liye hum

jo haal tha pahle wahi hai haal abhi bhi

kuchh bhi nahin kar pae mohabbat ke liye hum