lafz ka bas hai talluq mere tere darmiyan
lafz kā bas hai ta.alluq mere tere darmiyāñ
lafz ke ma.anī pe qaa.em saare rishtoñ kā nishāñ
pahle chup kī guftugū us kī samajh meñ aatī thī
bhuul baiThī hai kahī aur an-kahī donoñ zabāñ
lafz ḳhud ham ne gaḌhe iz.hār-e-ulfat ke liye
vasl kī takmīl hai mamnūn-e-tashkīl-e-lisāñ
ho na gar ulfat to nafrat ho zarūrī to nahīñ
ye bhī ho saktā hai vo ho be-niyāz-e-āshiqāñ
lab-kushā hoñ yā ki chup hoñ dekh kar us kī taraf
hai 'fahīm' apne qabīle kā samajhtā hai ziyāñ
lafz ka bas hai talluq mere tere darmiyan
lafz ke mani pe qaem sare rishton ka nishan
pahle chup ki guftugu us ki samajh mein aati thi
bhul baiThi hai kahi aur an-kahi donon zaban
lafz KHud hum ne gaDhe izhaar-e-ulfat ke liye
wasl ki takmil hai mamnun-e-tashkil-e-lisan
ho na gar ulfat to nafrat ho zaruri to nahin
ye bhi ho sakta hai wo ho be-niyaz-e-ashiqan
lab-kusha hon ya ki chup hon dekh kar us ki taraf
hai 'fahim' apne qabile ka samajhta hai ziyan
- Book : Aiwan (Pg. 87)
- Author : Manazir Ashiq Harganvi & Shahid Nayeem
- Publication : Nirali Duniya (1998)
- Edition : 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
