lafz tartib se rakhta hun main tamsil ke sath

lafz tartīb se rakhtā huuñ maiñ tamsīl ke saath

kaun kartā hai bayāñ falsafa tafsīl ke saath

ashk paidā huā āñkhoñ kī zamīñ se yak dam

aa.ina TuuT gayā hijr kī takmīl ke saath

merī āvāz bahut duur talak jā.egī

āyat-e-hijr sunā.ūñgā maiñ tartīl ke saath

mere ash.ār meñ paiġhām thā duniyā ke liye

merā dīvān bhī rakkhā gayā injīl ke saath

din nikalte hī utartā hai khule paanī meñ

jaane kyā rabt hai sūraj kā mirī jhiil ke saath

merī jānib bhī to kuchh tishna-dahāñ aa.e giiñ

merā dariyā bhī to bahtā hai tire niil ke saath

raushnī zaḳhm chhupā.e bhī to kaise āḳhir

maiñ ne sūraj ko shikasta kiyā qindīl ke saath

tū havas-zād hai ai dost badan kā maarā

terā kuchh ḳhaas ta.alluq hai azāzīl ke saath

un kī parvāz pe aflāk 'fidā' hotā hai

ab to shāhīn bhī uḌte haiñ abābīl ke saath

lafz tartib se rakhta hun main tamsil ke sath

kaun karta hai bayan falsafa tafsil ke sath

ashk paida hua aankhon ki zamin se yak dam

aaina TuT gaya hijr ki takmil ke sath

meri aawaz bahut dur talak jaegi

aayat-e-hijr sunaunga main tartil ke sath

mere ashaar mein paigham tha duniya ke liye

mera diwan bhi rakkha gaya injil ke sath

din nikalte hi utarta hai khule pani mein

jaane kya rabt hai suraj ka meri jhil ke sath

meri jaanib bhi to kuchh tishna-dahan aae gin

mera dariya bhi to bahta hai tere nil ke sath

raushni zaKHm chhupae bhi to kaise aaKHir

main ne suraj ko shikasta kiya qindil ke sath

tu hawas-zad hai ai dost badan ka mara

tera kuchh KHas talluq hai azazil ke sath

un ki parwaz pe aflak 'fida' hota hai

ab to shahin bhi uDte hain ababil ke sath