lafzon ke karobar mein pahchan ho gain

lafzoñ ke kārobār meñ pahchān ho ga.iiñ

jān-e-suḳhan se aap mirī jaan ho ga.iiñ

shāyad unheñ bhī gaal ko chhūne kī lat lagī

zulfeñ hasīn ruḳh pe pareshān ho ga.iiñ

mujh ko ye kah rahī haiñ idhar se nahīñ guzar

rāheñ tumhāre shahr kī anjān ho ga.iiñ

sūrat tumhārī dil meñ hifāzat ke saath hai

yādoñ kī Toliyāñ jo nigahbān ho ga.iiñ

is intizār meñ hai nigāhoñ kā haal yuuñ

takte tumhārī raah ko be-jān ho ga.iiñ

milnā nahīñ hai aap ne mujh ko yaqīn hai

puurā na ho sake jo vo armān ho ga.iiñ

is zindagānī meñ mirā rahbar tirā jamāl

jitnī bhī Thokareñ lagīñ āsān ho ga.iiñ

muddat huī hai aap ne siine rakhā na haath

galiyāñ ye dil kī tab se haiñ vīrān ho ga.iiñ

likkhā hai mere haath meñ ab tum nahīñ ho saath

ā.eñgī jo bhī ghaḌiyāñ vo nuqsān ho ga.iiñ

ye to hamāre biich mohabbat ke raaz the

bāteñ likhī haiñ man kī to dīvān ho ga.iiñ

dhaḌke hai dil meñ naam hamesha janāb kā

dilbar kahāñ haiñ aap to jānān ho ga.iiñ

lafzon ke karobar mein pahchan ho gain

jaan-e-suKHan se aap meri jaan ho gain

shayad unhen bhi gal ko chhune ki lat lagi

zulfen hasin ruKH pe pareshan ho gain

mujh ko ye kah rahi hain idhar se nahin guzar

rahen tumhaare shahr ki anjaan ho gain

surat tumhaari dil mein hifazat ke sath hai

yaadon ki Toliyan jo nigahban ho gain

is intizar mein hai nigahon ka haal yun

takte tumhaari rah ko be-jaan ho gain

milna nahin hai aap ne mujh ko yaqin hai

pura na ho sake jo wo arman ho gain

is zindagani mein mera rahbar tera jamal

jitni bhi Thokaren lagin aasan ho gain

muddat hui hai aap ne sine rakha na hath

galiyan ye dil ki tab se hain viran ho gain

likkha hai mere hath mein ab tum nahin ho sath

aaengi jo bhi ghaDiyan wo nuqsan ho gain

ye to hamare bich mohabbat ke raaz the

baaten likhi hain man ki to diwan ho gain

dhaDke hai dil mein nam hamesha janab ka

dilbar kahan hain aap to jaanan ho gain