lafzon ki tah mein surat-e-izhaar dekhna

lafzoñ kī tah meñ sūrat-e-iz.hār dekhnā

har-har qadam pe raah meñ dīvār dekhnā

dīvār-o-dar gharoñ ke haiñ vahshat-zada sabhī

lekin saje haiñ kūcha-o-bāzār dekhnā

vo ilm jo ki ḳhauf-e-ḳhudā se tahī rahe

be-naf.a jins-e-ḳhām hai be-kār dekhnā

khā jā.egā zamīn kī saarī hī raunaqeñ

baḌhtā huā ye barf kā ambār dekhnā

tum ko lubhā rahī haiñ ye shahroñ kī raunaqeñ

shahroñ se log kitne haiñ bezār dekhnā

apne bane the kaise ġhalāzat-fashāñ raqīb

'jāved' mustafā kā vo kirdār dekhnā

lafzon ki tah mein surat-e-izhaar dekhna

har-har qadam pe rah mein diwar dekhna

diwar-o-dar gharon ke hain wahshat-zada sabhi

lekin saje hain kucha-o-bazar dekhna

wo ilm jo ki KHauf-e-KHuda se tahi rahe

be-nafa jins-e-KHam hai be-kar dekhna

kha jaega zamin ki sari hi raunaqen

baDhta hua ye barf ka ambar dekhna

tum ko lubha rahi hain ye shahron ki raunaqen

shahron se log kitne hain bezar dekhna

apne bane the kaise ghalazat-fashan raqib

'jawed' mustafa ka wo kirdar dekhna