lagā kuchh aisā ki nabz-e-hayāt ruk sī ga.ī
kisī ke hoñToñ pe jab aa ke baat ruk sī ga.ī
kisī ke dam se the gardish meñ āsmān-o-zamīñ
kisī ke rukte hī ye kā.enāt ruk sī ga.ī
Thahar sakī na kahīñ jagmagātī bastī meñ
mire makān meñ aa.ī to raat ruk sī ga.ī
samajh liyā thā ki tīra-shabī hai apnā nasīb
charāġh-e-azm jalāte hī raat ruk sī ga.ī
jalā ke kashtiyāñ jab azm-e-nau ke saath baḌhe
jo ho rahī thī musalsal vo maat ruk sī ga.ī
use maiñ kaif-e-dil-o-jāñ kahūñ ki mauj-e-sarāb
hayāt ruk sī ga.ī hai mamāt ruk sī ga.ī
mirā vajūd hī vaj.h-e-fasād thā shāyad
bahā ke ḳhuun mirā vārdāt ruk sī ga.ī
fazā-e-shahr mukaddar huī hai jab se 'sharīf'
har aarzū kī suhānī barāt ruk sī ga.ī
laga kuchh aisa ki nabz-e-hayat ruk si gai
kisi ke honTon pe jab aa ke baat ruk si gai
kisi ke dam se the gardish mein aasman-o-zamin
kisi ke rukte hi ye kaenat ruk si gai
Thahar saki na kahin jagmagati basti mein
mere makan mein aai to raat ruk si gai
samajh liya tha ki tira-shabi hai apna nasib
charagh-e-azm jalate hi raat ruk si gai
jala ke kashtiyan jab azm-e-nau ke sath baDhe
jo ho rahi thi musalsal wo mat ruk si gai
use main kaif-e-dil-o-jaan kahun ki mauj-e-sarab
hayat ruk si gai hai mamat ruk si gai
mera wajud hi wajh-e-fasad tha shayad
baha ke KHun mera wardat ruk si gai
faza-e-shahr mukaddar hui hai jab se 'sharif'
har aarzu ki suhani baraat ruk si gai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.