lagta hai jaise pyar mein shiddat badal gai

lagtā hai jaise pyaar meñ shiddat badal ga.ī

pahle thī jaisī merī vo hālat badal ga.ī

jo roz khul ke sab ko khilātā thā raat din

aa.ī ḳhizāñ to us kī bhī rangat badal ga.ī

bahne lagā vo bahtī havāoñ ke saath saath

vo bad-nasīb jis kī mohabbat badal ga.ī

aisī chalī thī zulm kī āñdhī har ik taraf

jo sāmne thī sab ke haqīqat badal ga.ī

hākim kī maslahat kā zarā saath kyā milā

jo the sharīf un kī sharāfat badal ga.ī

vo pahle ham ko ḳhuub satātā thā phone par

badlā vo jab to us kī shikāyat badal ga.ī

vo shahr jis meñ rahte the 'minhāj' ham kabhī

chhoḌā jo ham ne us kī nazākat badal ga.ī

lagta hai jaise pyar mein shiddat badal gai

pahle thi jaisi meri wo haalat badal gai

jo roz khul ke sab ko khilata tha raat din

aai KHizan to us ki bhi rangat badal gai

bahne laga wo bahti hawaon ke sath sath

wo bad-nasib jis ki mohabbat badal gai

aisi chali thi zulm ki aandhi har ek taraf

jo samne thi sab ke haqiqat badal gai

hakim ki maslahat ka zara sath kya mila

jo the sharif un ki sharafat badal gai

wo pahle hum ko KHub satata tha phone par

badla wo jab to us ki shikayat badal gai

wo shahr jis mein rahte the 'minhaj' hum kabhi

chhoDa jo hum ne us ki nazakat badal gai