lahu ka rang liye abr aasman mein hai
lahū kā rang liye abr āsmān meñ hai
barastā ḳhuun har ik samt is jahān meñ hai
khurachtā maañg kā sindūr hai jo shaḳhs yahāñ
usī ko dekhiye sarkār kī amaan meñ hai
kabhī to hogā tumhārā bhī ḳhātma zālim
fazā meñ ghol ke tū zahr kis gumān meñ hai
ḳhudā ko bāñTte jab tak raheñge log yahāñ
miTegā fāsla kaise jo darmiyān meñ hai
banā zamāna hai dushman mirā qadam-ba-qadam
na jaane kaun sā kāñTā mirī zabān meñ hai
samajh meñ aa.egī 'iqbāl' kyā zabān tirī
abhī to qaum kā taa.ir kisī uḌaan meñ hai
lahu ka rang liye abr aasman mein hai
barasta KHun har ek samt is jahan mein hai
khurachta mang ka sindur hai jo shaKHs yahan
usi ko dekhiye sarkar ki aman mein hai
kabhi to hoga tumhaara bhi KHatma zalim
faza mein ghol ke tu zahr kis guman mein hai
KHuda ko banTte jab tak rahenge log yahan
miTega fasla kaise jo darmiyan mein hai
bana zamana hai dushman mera qadam-ba-qadam
na jaane kaun sa kanTa meri zaban mein hai
samajh mein aaegi 'iqbaal' kya zaban teri
abhi to qaum ka tair kisi uDan mein hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.