lahu mein dub ke ubhrun to sans jalta ho

lahū meñ duub ke ubhrūñ to saañs jaltā ho

havā ke hoñToñ pe ḳhushbū kā sard qissa ho

samundaroñ meñ utar kar bhī jal rahā huuñ maiñ

kahīñ to sard havāoñ ne sar uThāyā ho

piroūñ shāḳhoñ kī palkoñ meñ titliyoñ ke par

ki fasl-e-marg meñ rangoñ kā ik tamāshā ho

vahī fazā ho vahī paañv ke tale miTTī

jidhar bhī jā.ūñ purāne dinoñ kā charchā ho

parā.e shahroñ meñ har lamha chauñk chauñk paḌūñ

mire navāh mire apne ghar kā saayā ho

kisī ke karb kī ḳhushbū ke saa.e meñ 'ahmad'

mire hī sahn meñ soyā huā sharāra ho

lahu mein dub ke ubhrun to sans jalta ho

hawa ke honTon pe KHushbu ka sard qissa ho

samundaron mein utar kar bhi jal raha hun main

kahin to sard hawaon ne sar uThaya ho

piroun shaKHon ki palkon mein titliyon ke par

ki fasl-e-marg mein rangon ka ek tamasha ho

wahi faza ho wahi panw ke tale miTTi

jidhar bhi jaun purane dinon ka charcha ho

parae shahron mein har lamha chaunk chaunk paDun

mere nawah mere apne ghar ka saya ho

kisi ke karb ki KHushbu ke sae mein 'ahmad'

mere hi sahn mein soya hua sharara ho