lahu se tar jo KHanjar hain ye nafrat ki tamazat hai

lahū se tar jo ḳhanjar haiñ ye nafrat kī tamāzat hai

ki ab jangal se bhī bad-tar mire shahroñ kī hālat hai

kisī din toḌne vāloñ ko ye ehsās ho ai kaash

mahaktā phuul Tahnī par mohabbat kī alāmat hai

baḌā.ī hai miyāñ saarī kī saarī aql-o-dānish se

vagarna aadmī meñ kab pahāḌoñ jaisī tāqat hai

saḳhī kuchh to atā ho jaa.e ab tere ḳhazāne se

mire dast-e-duā meñ dekh mere dil kī hājat hai

jo apnī zaat meñ gum haiñ bhalā un ko ḳhabar kyā ho

bichhaḌ kar ḳhud se jiine meñ aziyyat hī aziyyat hai

nikal kar bāġh-e-jannat se ye kis duniyā meñ aaya huuñ

jahāñ jiinā aziyyat hai jahāñ marnā musībat hai

bas ik TuuTā huā dil hai vajūd-e-ḳhāk meñ 'nāsir'

batā is aa.ine kī ab koī juḌne kī sūrat hai

lahu se tar jo KHanjar hain ye nafrat ki tamazat hai

ki ab jangal se bhi bad-tar mere shahron ki haalat hai

kisi din toDne walon ko ye ehsas ho ai kash

mahakta phul Tahni par mohabbat ki alamat hai

baDai hai miyan sari ki sari aql-o-danish se

wagarna aadmi mein kab pahaDon jaisi taqat hai

saKHi kuchh to ata ho jae ab tere KHazane se

mere dast-e-dua mein dekh mere dil ki hajat hai

jo apni zat mein gum hain bhala un ko KHabar kya ho

bichhaD kar KHud se jine mein aziyyat hi aziyyat hai

nikal kar bagh-e-jannat se ye kis duniya mein aaya hun

jahan jina aziyyat hai jahan marna musibat hai

bas ek TuTa hua dil hai wajud-e-KHak mein 'nasir'

bata is aaine ki ab koi juDne ki surat hai