lamha-dar-lamha guzarta hi chala jata hai
Interesting Fact
15-09-1994 , Delhi
lamha-dar-lamha guzartā hī chalā jaatā hai
vaqt ḳhushbū hai bikhartā hī chalā jaatā hai
ābgīnoñ kā shajar hai ki ye ehsās-e-vajūd
jab bikhartā hai bikhartā hī chalā jaatā hai
dil kā ye shahr-e-sadā aur ye hasīñ sannāTā
vādī-e-jāñ meñ utartā hī chalā jaatā hai
ab ye ashkoñ ke muraqqe haiñ ki samajhte haiñ nahīñ
naqsh patthar pe sañvartā hī chalā jaatā hai
ḳhuun kā rañg hai us pe bhī shafaq kī sūrat
ḳhāk-dar-ḳhāk nikhartā hī chalā jaatā hai
vāpsī kā ye safar kab se huā thā āġhāz
naqsh-e-pā jis kā ubhartā hī chalā jaatā hai
jaise 'tanvīr' ke hoñToñ pe likhī hai tārīḳh
zikr kartā hai to kartā hī chalā jaatā hai
lamha-dar-lamha guzarta hi chala jata hai
waqt KHushbu hai bikharta hi chala jata hai
aabginon ka shajar hai ki ye ehsas-e-wajud
jab bikharta hai bikharta hi chala jata hai
dil ka ye shahr-e-sada aur ye hasin sannaTa
wadi-e-jaan mein utarta hi chala jata hai
ab ye ashkon ke muraqqe hain ki samajhte hain nahin
naqsh patthar pe sanwarta hi chala jata hai
KHun ka rang hai us pe bhi shafaq ki surat
KHak-dar-KHak nikharta hi chala jata hai
wapsi ka ye safar kab se hua tha aaghaz
naqsh-e-pa jis ka ubharta hi chala jata hai
jaise 'tanwir' ke honTon pe likhi hai tariKH
zikr karta hai to karta hi chala jata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
