lamhat zindagi mein kuchh aise bhi aae hain

lamhāt zindagī meñ kuchh aise bhī aa.e haiñ

dil par paḌī hai choT to ham muskurā.e haiñ

yuuñ ham ne gulsitāñ se añdhere miTā.e haiñ

bujhte hue charāġh lahū se jalā.e haiñ

kuchh ġham nahīñ jo phailī hai har-sū ġhamoñ kī dhuup

sar par hamāre aap kī zulfoñ ke saa.e haiñ

huuñ muntazir vo aa.eñ to un par karūñ nisār

palkoñ pe maiñ ne chand sitāre sajā.e haiñ

daur-e-ḳhizāñ bhī dil se farāmosh ho gayā

ab ke baras bahār ne vo gul khilā.e haiñ

un kā maqām kam nahīñ lāt-o-manāt se

logoñ ne ḳhvāhishāt ke jo but banā.e haiñ

sab ke diloñ meñ ātish-e-nafrat hai sho’la-zan

'dānish' ham aaj kaun sī bastī meñ aa.e haiñ

lamhat zindagi mein kuchh aise bhi aae hain

dil par paDi hai choT to hum muskurae hain

yun hum ne gulsitan se andhere miTae hain

bujhte hue charagh lahu se jalae hain

kuchh gham nahin jo phaili hai har-su ghamon ki dhup

sar par hamare aap ki zulfon ke sae hain

hun muntazir wo aaen to un par karun nisar

palkon pe main ne chand sitare sajae hain

daur-e-KHizan bhi dil se faramosh ho gaya

ab ke baras bahaar ne wo gul khilae hain

un ka maqam kam nahin lat-o-manat se

logon ne KHwahishat ke jo but banae hain

sab ke dilon mein aatish-e-nafrat hai sho’la-zan

'danish' hum aaj kaun si basti mein aae hain