latafat isko kahte hain

latāfat is ko kahte haiñ

ki shāmat is ko kahte haiñ

chhile maḳhmal pe bhī paañv

nazākat is ko kahte haiñ

na sudh apnī rahe baaqī

mohabbat is ko kahte haiñ

sune tā'ne bhī ḳhanda-lab

sharāfat is ko kahte haiñ

payambar muqtadī jin ke

imāmat is ko kahte haiñ

jab āñkheñ rahte andhā ho

jihālat is ko kahte haiñ

badal de raat ko din meñ

vakālat is ko kahte haiñ

kabhī tanhā nahīñ aatī

musībat is ko kahte haiñ

jo lamha haath aa jaa.e

ġhanīmat is ko kahte haiñ

na jaane kis pe aa jaa.e

tabī'at is ko kahte haiñ

kareñ jab tajraba sājhā

qarābat is ko kahte haiñ

azaañ maqtal se jab gūñje

'ibādat is ko kahte haiñ

bayāñ jo 'nazr' karte haiñ

haqīqat us ko kahte haiñ

latafat is ko kahte hain

ki shamat is ko kahte hain

chhile maKHmal pe bhi panw

nazakat is ko kahte hain

na sudh apni rahe baqi

mohabbat is ko kahte hain

sune ta'ne bhi KHanda-lab

sharafat is ko kahte hain

payambar muqtadi jin ke

imamat is ko kahte hain

jab aankhen rahte andha ho

jihaalat is ko kahte hain

badal de raat ko din mein

wakalat is ko kahte hain

kabhi tanha nahin aati

musibat is ko kahte hain

jo lamha hath aa jae

ghanimat is ko kahte hain

na jaane kis pe aa jae

tabi'at is ko kahte hain

karen jab tajraba sajha

qarabat is ko kahte hain

azan maqtal se jab gunje

'ibaadat is ko kahte hain

bayan jo 'nazr' karte hain

haqiqat us ko kahte hain