latif aisi kuchh is dil ki shisha-kari thi

latīf aisī kuchh is dil kī shīsha-kārī thī

ki ek raat bhī ham ahl-e-dil pe bhārī thī

hazār ma.arke sar kar ke log haar ga.e

husain-ibn-e-alī! fat.h to tumhārī thī

usī ke saa.e meñ sustā.e us ke bairī bhī

us aadmī meñ daraḳhtoñ sī burdbārī thī

lahū kī aag meñ dil jhulsā jhulsā jaatā thā

darīcha khol ke dekhā to barf-bārī thī

qatīl ho ke bhī maiñ apne qātiloñ se laḌā

ki mere ba.ad mire dostoñ kī baarī thī

shajar pe būzne baiThe unheñ bulāte the

magar parindoñ kī parvāz-e-nāz jaarī thī

har ek zarb ko dil sah gayā magar 'rāhī'

jo dast-e-gul ke sabab thī vo zarb kaarī thī

latif aisi kuchh is dil ki shisha-kari thi

ki ek raat bhi hum ahl-e-dil pe bhaari thi

hazar marke sar kar ke log haar gae

husain-ibn-e-ali! fath to tumhaari thi

usi ke sae mein sustae us ke bairi bhi

us aadmi mein daraKHton si burdbari thi

lahu ki aag mein dil jhulsa jhulsa jata tha

daricha khol ke dekha to barf-bari thi

qatil ho ke bhi main apne qatilon se laDa

ki mere baad mere doston ki bari thi

shajar pe buzne baiThe unhen bulate the

magar parindon ki parwaz-e-naz jari thi

har ek zarb ko dil sah gaya magar 'rahi'

jo dast-e-gul ke sabab thi wo zarb kari thi