laTkai diwar pe kis ne hatim ki taswir

laTkā.ī dīvār pe kis ne hātim kī tasvīr

haath meñ TuuTe kaase thāme dauḌe aa.e faqīr

soch rahā hai der se be-chāra ik majma.a-bāz

shaam talak kuchh haath na aayā din bhar kī taqrīr

gaañv gaañv maañg rahe haiñ qismat kī ḳhairāt

jannat dozaḳh bechne vaale shahrī piir faqīr

bhūle-bisre lafz uchaT kar miTā ga.e mafhūm

din ko paḌhne baiThe jab bhī raat kī ham tahrīr

jaltī fikr kī zad par aa kar jhulseñ jo alfāz

aa.e un alfāz se kaise sheroñ meñ tāsīr

laTkai diwar pe kis ne hatim ki taswir

hath mein TuTe kase thame dauDe aae faqir

soch raha hai der se be-chaara ek majma-baz

sham talak kuchh hath na aaya din bhar ki taqrir

ganw ganw mang rahe hain qismat ki KHairaat

jannat dozaKH bechne wale shahri pir faqir

bhule-bisre lafz uchaT kar miTa gae mafhum

din ko paDhne baiThe jab bhi raat ki hum tahrir

jalti fikr ki zad par aa kar jhulsen jo alfaz

aae un alfaz se kaise sheron mein tasir