lau jo ghar ka diya nahin deta

lau jo ghar kā diyā nahīñ detā

sham'-e-dil kyoñ jalā nahīñ detā

māñgne kā agar salīqa ho

māñgne se vo kyā nahīñ detā

TuuTā dil aur Tuut jaatā hai

dost jab hausla nahīñ detā

jāntā hai vafā ke jo mā'nī

dost ban ke daġhā nahīñ detā

bhiiḌ ko chiir kar nikaltā huuñ

jab koī rāsta nahīñ detā

jo kabhī bevafā ne likkhe the

to vo ḳhat kyoñ jalā nahīñ detā

ab mirā dil bhī kis liye 'rizvān'

shab-e-ġham meñ ziyā nahīñ detā

lau jo ghar ka diya nahin deta

sham'-e-dil kyon jala nahin deta

mangne ka agar saliqa ho

mangne se wo kya nahin deta

TuTa dil aur Tut jata hai

dost jab hausla nahin deta

jaanta hai wafa ke jo ma'ni

dost ban ke dagha nahin deta

bhiD ko chir kar nikalta hun

jab koi rasta nahin deta

jo kabhi bewafa ne likkhe the

to wo KHat kyon jala nahin deta

ab mera dil bhi kis liye 'rizwan'

shab-e-gham mein ziya nahin deta