lauh-e-mahfuz tera zer-o-zabar kaisa hai
lauh-e-mahfūz tirā zer-o-zabar kaisā hai
ye ḳhat-e-bul-ajabī pesh-e-nazar kaisā hai
tū kahīñ aur basā hai to ye ghar kaisā hai
lā-makāñ vaale ye mehrāb ye dar kaisā hai
naqsh ubhrā bhī nahīñ thā ki miTāne baiThe
mere paikar se jahāñ vāloñ ko Dar kaisā hai
na koī shāḳh na patte na koī gul na shajar
biich āñgan meñ khaḌā hai jo shajar kaisā hai
maiñ isī vāste Duubā ki samajh paao tum
zer-e-sāhil jo bhañvar hai vo bhañvar kaisā hai
lauh-e-mahfuz tera zer-o-zabar kaisa hai
ye KHat-e-bul-ajabi pesh-e-nazar kaisa hai
tu kahin aur basa hai to ye ghar kaisa hai
la-makan wale ye mehrab ye dar kaisa hai
naqsh ubhra bhi nahin tha ki miTane baiThe
mere paikar se jahan walon ko Dar kaisa hai
na koi shaKH na patte na koi gul na shajar
bich aangan mein khaDa hai jo shajar kaisa hai
main isi waste Duba ki samajh pao tum
zer-e-sahil jo bhanwar hai wo bhanwar kaisa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
