lazzat-e-did ka chaska hai to aa dekh mujhe

lazzat-e-dīd kā chaskā hai to aa dekh mujhe

sāhab-e-dīda-e-bīnā hai to aa dekh mujhe

merī sūrat hai tamāshā-gah-e-yās-o-ummīd

gar tujhe shauq-e-tamāshā hai to aa dekh mujhe

sab mirī baat pe kahte haiñ ki muḳhtal hai dimāġh

tujh ko dīvānoñ kā saudā hai to aa dekh mujhe

mujh se bhī barsar-e-paikār hai qismat merī

dekhnā jang kā naqsha hai to aa dekh mujhe

rābiya hai maraz-e-ġham se burā haal mirā

gar mizāj āj-kal achchhā hai to aa dekh mujhe

log pūchheñge mirī sūrat-o-sīrat tujh se

muñh kisī ko jo dikhānā hai to aa dekh mujhe

lazzat-e-did ka chaska hai to aa dekh mujhe

sahab-e-dida-e-bina hai to aa dekh mujhe

meri surat hai tamasha-gah-e-yas-o-ummid

gar tujhe shauq-e-tamasha hai to aa dekh mujhe

sab meri baat pe kahte hain ki muKHtal hai dimagh

tujh ko diwanon ka sauda hai to aa dekh mujhe

mujh se bhi barsar-e-paikar hai qismat meri

dekhna jang ka naqsha hai to aa dekh mujhe

rabiya hai maraz-e-gham se bura haal mera

gar mizaj aaj-kal achchha hai to aa dekh mujhe

log puchhenge meri surat-o-sirat tujh se

munh kisi ko jo dikhana hai to aa dekh mujhe