lazzat-e-kar bhi hasil nahin be-garon mein

lazzat-e-kār bhī hāsil nahīñ be-gāroñ meñ

vo yahī soch ke shāmil hai ġhalat-kāroñ meñ

be-ruḳhī tarz-e-taġhāful vo talavvun kyā thā

ek iqrār jo Dhaltā rahā inkāroñ meñ

phir dabe paañv vo chunte haiñ sulagtī Tīseñ

aable khul ke jo hañste haiñ ḳhazaf-zāroñ meñ

koī sho.aloñ kī lapak thī na dhueñ kī lapTeñ

jal-bujhī āb-o-havā karb ke angāroñ meñ

aañkh to aañkh thī sāñsoñ se shuā.eñ phūTīñ

koī lipTā thā ghanī zulf kī mahkāroñ meñ

vo jo iffat hai sarāpā to mirā ijz ba-ḳhair

puuj lūñgā use pāzeb kī jhankāroñ meñ

Duub kar so ga.e is bahr-e-ḳhalā meñ 'rāhī'

koī tinkā hī na thā khokhle me.ayāroñ meñ

lazzat-e-kar bhi hasil nahin be-garon mein

wo yahi soch ke shamil hai ghalat-karon mein

be-ruKHi tarz-e-taghaful wo talawwun kya tha

ek iqrar jo Dhalta raha inkaron mein

phir dabe panw wo chunte hain sulagti Tisen

aable khul ke jo hanste hain KHazaf-zaron mein

koi shoalon ki lapak thi na dhuen ki lapTen

jal-bujhi aab-o-hawa karb ke angaron mein

aankh to aankh thi sanson se shuaen phuTin

koi lipTa tha ghani zulf ki mahkaron mein

wo jo iffat hai sarapa to mera ijz ba-KHair

puj lunga use pazeb ki jhankaron mein

Dub kar so gae is bahr-e-KHala mein 'rahi'

koi tinka hi na tha khokhle meayaron mein