lazzat-e-sang na puchho logo umr agar hath aae phir

lazzat-e-sañg na pūchho logo umr agar haath aa.e phir

majnūñ ban kar sahrā sahrā koī use gañvā.e phir

ham ne to is ek aas par saare diip jalā.e phir

raat kabhī saath aa.e kisī ke shāyad aur na jaa.e phir

yuuñ bhī apnā ahd-e-javānī ḳhvāb thā dilkash chehroñ kā

aur ġhubār-e-vaqt ne to vo chehre bhī dhundlā.e phir

sab ke apne apne dukh haiñ sunñe vaalā koī nahīñ

sunñe vaalā koī na ho to kis ko koī sunā.e phir

'ishqī' tum ne umr guzārī hai ummīd-e-bahārāñ meñ

aur ayyām-e-bahārāñ bhī gar tum ko raas na aa.e phir

lazzat-e-sang na puchho logo umr agar hath aae phir

majnun ban kar sahra sahra koi use ganwae phir

hum ne to is ek aas par sare dip jalae phir

raat kabhi sath aae kisi ke shayad aur na jae phir

yun bhi apna ahd-e-jawani KHwab tha dilkash chehron ka

aur ghubar-e-waqt ne to wo chehre bhi dhundlae phir

sab ke apne apne dukh hain sunne wala koi nahin

sunne wala koi na ho to kis ko koi sunae phir

'ishqi' tum ne umr guzari hai ummid-e-bahaaran mein

aur ayyam-e-bahaaran bhi gar tum ko ras na aae phir