le jaun kahin un ko badan par hi rakkhun

le jā.ūñ kahīñ un ko badan paar hī rakkhūñ

maiñ apnī ḳhalāoñ ko pur-asrār hī rakkhūñ

āñkhoñ se girūñ aur uThūñ dasht-e-falak tak

paanī huuñ to sat.heñ mirī hamvār hī rakkhūñ

duniyā ko bhī le aa.uuñ kabhī nok-e-zabāñ tak

ġhā.eb hai jo us ko sar-e-iz.hār hī rakkhūñ

lamhoñ kī darāḌoñ meñ ugā.ūñ koī jazba

hai vaqt khañDar to use mismār hī rakkhūñ

ījād karūñ saat samāvāt kā chehra

chehre pe tire lams ko bedār hī rakkhūñ

anfās ke nuqte meñ simaT aa.uuñ 'riyāz' ab

yuuñ apne bikharne ke kuchh āsār hī rakkhūñ

le jaun kahin un ko badan par hi rakkhun

main apni KHalaon ko pur-asrar hi rakkhun

aankhon se girun aur uThun dasht-e-falak tak

pani hun to sathen meri hamwar hi rakkhun

duniya ko bhi le aaun kabhi nok-e-zaban tak

ghaeb hai jo us ko sar-e-izhaar hi rakkhun

lamhon ki daraDon mein ugaun koi jazba

hai waqt khanDar to use mismar hi rakkhun

ijad karun sat samawat ka chehra

chehre pe tere lams ko bedar hi rakkhun

anfas ke nuqte mein simaT aaun 'riyaz' ab

yun apne bikharne ke kuchh aasar hi rakkhun