libas-e-yar ko main para-para kya karta

libās-e-yār ko maiñ pāra-pāra kyā kartā

qabā-e-gul se use isti.āra kyā kartā

bahār-e-gul meñ haiñ dariyā ke josh kī lahreñ

bhalā maiñ kashtī-e-mai se kināra kyā kartā

naqāb ulaT ke jo muñh 'āshiqoñ ko dikhlāte

tumhīñ kaho ki tumhārā nazāra kyā kartā

sunā jo hāl-e-dil-e-zār yaar ne to kahā

tabīb marte hue kaahe chāra kyā kartā

hilāl-e-īd kā har-chand ho jahāñ mushtāq

tumhārī abrūoñ kā sā ishāra kyā kartā

haqīqat-e-dahan-e-yār kholtā kyūñ-kar

nahufta raaz ko maiñ āshkāra kyā kartā

qadam ko pīchhe rah-e-ḳhaufnāk-e-ishq meñ rakh

ye pahle dekh le dil hai ishāra kyā kartā

ḳhum-e-sharāb se mujh mast ne na muñh pherā

kanār-e-āb se pyāsā kināra kyā kartā

bahār thī jo vo gul-chehra yaar bhī hotā

akele jā ke chaman kā nazāra kyā kartā

gudāz mom se har ustuḳhvāñ ko paatā huuñ

phir aur sozish-e-dil kā harārā kyā kartā

baḌā hī ḳhvār 'ilāqa hai gulshan-e-ulfat

mirī tarah koī is meñ ijāra kyā kartā

sharāb-e-ḳhuld kī ḳhātir dahan hai rakhtā saaf

vuzū meñ varna ye zāhid ġharāra kyā kartā

shikasta-dil na ho us but ke naaz se kyūñ-kar

sulūk shīsha se hai sañg-e-ḳhārā kyā kartā

bahār-e-gul meñ piyāla lagā liyā muñh se

sharāb piine ko maiñ istiḳhāra kyā kartā

faqīr ko nahīñ darkār shaan amīroñ kī

sar-barahna sar-e-goshvāra kyā kartā

bahār-e-gul meñ thā jaame se bāhar ai 'ātish'

na kartā maiñ jo garebāñ ko paara kyā kartā

libas-e-yar ko main para-para kya karta

qaba-e-gul se use istiara kya karta

bahaar-e-gul mein hain dariya ke josh ki lahren

bhala main kashti-e-mai se kinara kya karta

naqab ulaT ke jo munh 'ashiqon ko dikhlate

tumhin kaho ki tumhaara nazara kya karta

suna jo haal-e-dil-e-zar yar ne to kaha

tabib marte hue kahe chaara kya karta

hilal-e-id ka har-chand ho jahan mushtaq

tumhaari abruon ka sa ishaara kya karta

haqiqat-e-dahan-e-yar kholta kyun-kar

nahufta raaz ko main aashkara kya karta

qadam ko pichhe rah-e-KHaufnak-e-ishq mein rakh

ye pahle dekh le dil hai ishaara kya karta

KHum-e-sharab se mujh mast ne na munh phera

kanar-e-ab se pyasa kinara kya karta

bahaar thi jo wo gul-chehra yar bhi hota

akele ja ke chaman ka nazara kya karta

gudaz mom se har ustuKHwan ko pata hun

phir aur sozish-e-dil ka harara kya karta

baDa hi KHwar 'ilaqa hai gulshan-e-ulfat

meri tarah koi is mein ijara kya karta

sharab-e-KHuld ki KHatir dahan hai rakhta saf

wuzu mein warna ye zahid gharara kya karta

shikasta-dil na ho us but ke naz se kyun-kar

suluk shisha se hai sang-e-KHara kya karta

bahaar-e-gul mein piyala laga liya munh se

sharab pine ko main istiKHara kya karta

faqir ko nahin darkar shan amiron ki

sar-barahna sar-e-goshwara kya karta

bahaar-e-gul mein tha jame se bahar ai 'atish'

na karta main jo gareban ko para kya karta