libas jis ke badan par tha ek jahil tha

libās jis ke badan par thā ek jāhil thā

barahna jism thā jo vo vaqār-e-mahfil thā

ḳhud apne aap pe us ko yaqīn-e-kāmil thā

magar vo rasm-e-zamāna se kitnā ġhāfil thā

na pūchhiye ki ham aa.e haiñ kis tarah bach kar

tumhāre shahr meñ har shaḳhs aaj qātil thā

koī bujhātā bhalā kaise bhuul kar mujh ko

maiñ vo diyā thā jo tūfān ke muqābil thā

banā diyā hai havādis ne us ko bhī patthar

vo pahle qatra-e-shabnam thā sūrat-e-gil thā

bas ik usī kī thī sairāb zindagī 'sāhir'

vo jis ke dil meñ talab kā vasī.a sāhil thā

libas jis ke badan par tha ek jahil tha

barahna jism tha jo wo waqar-e-mahfil tha

KHud apne aap pe us ko yaqin-e-kaamil tha

magar wo rasm-e-zamana se kitna ghafil tha

na puchhiye ki hum aae hain kis tarah bach kar

tumhaare shahr mein har shaKHs aaj qatil tha

koi bujhata bhala kaise bhul kar mujh ko

main wo diya tha jo tufan ke muqabil tha

bana diya hai hawadis ne us ko bhi patthar

wo pahle qatra-e-shabnam tha surat-e-gil tha

bas ek usi ki thi sairab zindagi 'sahir'

wo jis ke dil mein talab ka wasia sahil tha