likkhe jo gul ko zaKHm lahu ko hina kahe

likkhe jo gul ko zaḳhm lahū ko hinā kahe

fankār ab usī ko zamāna baḌā kahe

kyā inqilāb-e-vaqt hai ham chāhte haiñ ab

rūdād-e-ġham hamārī koī dūsrā kahe

ḳhātir meñ bhī ḳhudā ko na laa.e ye aadmī

aa.e navāzne pe to but ko ḳhudā kahe

taslīm kyoñ ise koī ahl-e-nazar kare

saarā jahāñ ravā ko agar nāravā kahe

badleñge ham na apnā mazāq-e-suḳhan kabhī

nāqid hazār qātil-e-harf-o-navā kahe

nā-mo'tabar haiñ vahm-o-gumāñ ke tamām naqsh

hai mo'tabar vo 'aks jise aa.ina kahe

lahje haiñ sab ke ek se kirdār ek sā

kis ko harīf kis ko koī ham-navā kahe

ik ajnabī kahe to 'azīz' is kā ġham nahīñ

tark-e-vafā kī baat jo ġham-āshnā kahe

likkhe jo gul ko zaKHm lahu ko hina kahe

fankar ab usi ko zamana baDa kahe

kya inqilab-e-waqt hai hum chahte hain ab

rudad-e-gham hamari koi dusra kahe

KHatir mein bhi KHuda ko na lae ye aadmi

aae nawazne pe to but ko KHuda kahe

taslim kyon ise koi ahl-e-nazar kare

sara jahan rawa ko agar narawa kahe

badlenge hum na apna mazaq-e-suKHan kabhi

naqid hazar qatil-e-harf-o-nawa kahe

na-mo'tabar hain wahm-o-guman ke tamam naqsh

hai mo'tabar wo 'aks jise aaina kahe

lahje hain sab ke ek se kirdar ek sa

kis ko harif kis ko koi ham-nawa kahe

ek ajnabi kahe to 'aziz' is ka gham nahin

tark-e-wafa ki baat jo gham-ashna kahe