lipTe hain mujhse yaadon ke kuchh tar aur main

lipTe haiñ mujh se yādoñ ke kuchh taar aur maiñ

ThanDī havā.eñ sub.h kī aḳhbār aur maiñ

jagte rahe haiñ saath hī aksar tamām shab

merī ġhazal ke kuchh na.e ash.ār aur maiñ

kyā jaane ab kahāñ mileñ kitne dinoñ ke baad

lag jā.ūñ kyā gale tire ik baar aur maiñ

apnī likhī kahānī ko hī jī rahī huuñ ab

ik jaisā hī to hai mirā kirdār aur maiñ

pahle to ḳhuub talvoñ ko chhāle atā hue

ab ham-safar haiñ rāsta pur-ḳhār aur maiñ

ġham thā na koī ishq-o-mohabbat kī fikr thī

jiite the zindagī ko mire yaar aur maiñ

aksar hī karte rahte haiñ ḳhāmosh guftugū

lag kar gale se aaj bhī dīvār aur maiñ

lipTe hain mujh se yaadon ke kuchh tar aur main

ThanDi hawaen subh ki aKHbar aur main

jagte rahe hain sath hi aksar tamam shab

meri ghazal ke kuchh nae ashaar aur main

kya jaane ab kahan milen kitne dinon ke baad

lag jaun kya gale tere ek bar aur main

apni likhi kahani ko hi ji rahi hun ab

ek jaisa hi to hai mera kirdar aur main

pahle to KHub talwon ko chhaale ata hue

ab ham-safar hain rasta pur-KHar aur main

gham tha na koi ishq-o-mohabbat ki fikr thi

jite the zindagi ko mere yar aur main

aksar hi karte rahte hain KHamosh guftugu

lag kar gale se aaj bhi diwar aur main