liya hai teri mohabbat se ye asar maine

liyā hai terī mohabbat se ye asar maiñ ne

ki zindagī pe bhī Daalī hai ik nazar maiñ ne

yahāñ pe ab maiñ farāġhat se din guzārūñgā

banā liyā hai tamannāoñ kā nagar maiñ ne

maiñ jis ḳhulūs se niklā huuñ manziloñ kī taraf

akele kaaT hī lenā hai har safar maiñ ne

vo ek yaad jo siine meñ qaid hai mere

vo ek pal jise karnā nahīñ basar maiñ ne

masāfatoñ ne badan chhalnī kar diyā thā mirā

ugā liyā hai sar-e-dasht ik shajar maiñ ne

nikal paḌī hai na.e mausamoñ kī aamad par

vo ek shāḳh jo kaaTī thī dekh kar maiñ ne

maiñ shor-o-shar ke samundar se aaj niklā huuñ

bachā liyā hai tirī sāzishoñ se sar maiñ ne

bhale dinoñ meñ tirā aasrā thā ai mālik

niDhāl ho ke bhī chhoḌā na terā dar maiñ ne

bichhaḌ ke tujh se tavāzun bigaḌ gayā hai mirā

ki lafz nasr thā bāñdhā jise nasar maiñ ne

liya hai teri mohabbat se ye asar main ne

ki zindagi pe bhi Dali hai ek nazar main ne

yahan pe ab main faraghat se din guzarunga

bana liya hai tamannaon ka nagar main ne

main jis KHulus se nikla hun manzilon ki taraf

akele kaT hi lena hai har safar main ne

wo ek yaad jo sine mein qaid hai mere

wo ek pal jise karna nahin basar main ne

masafaton ne badan chhalni kar diya tha mera

uga liya hai sar-e-dasht ek shajar main ne

nikal paDi hai nae mausamon ki aamad par

wo ek shaKH jo kaTi thi dekh kar main ne

main shor-o-shar ke samundar se aaj nikla hun

bacha liya hai teri sazishon se sar main ne

bhale dinon mein tera aasra tha ai malik

niDhaal ho ke bhi chhoDa na tera dar main ne

bichhaD ke tujh se tawazun bigaD gaya hai mera

ki lafz nasr tha bandha jise nasar main ne