liye phirta hai ye aazar apne raste ka

liye phirtā hai ye āzār apne rāste kā

faqat paanī hai vāqif-kār apne rāste kā

maiñ dekhe jā rahā huuñ saarī chīzoñ ko dubāra

huā thā ḳhvāb meñ dīdār apne rāste kā

koī lambe safar par duur jaanā chāhtā hai

ki har koī hai ḳhud-muḳhtār apne rāste kā

kaTī ik aur hī nashshe meñ hamrāhī hamārī

mire saath aa gayā bezār apne rāste kā

safar ko log jo ujḌe hue milte haiñ un ko

banā detā hai lāla-zār apne rāste kā

juḌī jaatī hai mastī se bharī mahkār koī

musāfir aap hai gulzār apne rāste kā

pahuñchne ye nahīñ degā kisī ko bhī kahīñ par

ki marvā.egā ḳhush-guftār apne rāste kā

ka.ī qarnoñ ke baa'd apne kiye the patte zāhir

batāyā maiñ ne āḳhir-kār apne rāste kā

banātā huuñ ghanerī chhāñv aur ḳhud baiThtā huuñ

shajar huuñ koī sāya-dār apne rāste kā

chale aao abhī chup-chāp mere pīchhe pīchhe

karūñgā ek din iz.hār apne rāste kā

liye phirta hai ye aazar apne raste ka

faqat pani hai waqif-kar apne raste ka

main dekhe ja raha hun sari chizon ko dubara

hua tha KHwab mein didar apne raste ka

koi lambe safar par dur jaana chahta hai

ki har koi hai KHud-muKHtar apne raste ka

kaTi ek aur hi nashshe mein hamrahi hamari

mere sath aa gaya bezar apne raste ka

safar ko log jo ujDe hue milte hain un ko

bana deta hai lala-zar apne raste ka

juDi jati hai masti se bhari mahkar koi

musafir aap hai gulzar apne raste ka

pahunchne ye nahin dega kisi ko bhi kahin par

ki marwaega KHush-guftar apne raste ka

kai qarnon ke ba'd apne kiye the patte zahir

bataya main ne aaKHir-kar apne raste ka

banata hun ghaneri chhanw aur KHud baiThta hun

shajar hun koi saya-dar apne raste ka

chale aao abhi chup-chap mere pichhe pichhe

karunga ek din izhaar apne raste ka