log apni taswiren waqt se chhupate hain

log apnī tasvīreñ vaqt se chhupāte haiñ

'aks to haqīqat ke aa.ine dikhāte haiñ

ḳhushbuoñ meñ phūloñ kī ahl-e-dil nahāte haiñ

ban-sañvar ke mahfil meñ aap jab bhī aate haiñ

zindagī kī rāhoñ meñ phuul muskurāte haiñ

log sinf-e-nāzuk se qurbateñ baḌhāte haiñ

kaise bhuul jā.ūñ maiñ dhundlī dhundlī yādoñ ko

ye ḳhayāl to merī himmateñ baḌhāte haiñ

kyā hasīn rishta thā chāñdnī kā āñgan se

aaj bhī nigāhoñ meñ ḳhvāb jagmagāte haiñ

shaam se nikalte haiñ raat kā safar le kar

intizār ke sūraj sub.h Duub jaate haiñ

kab mizāj badlegā zindagī ke mausam kā

phuul se badan vaale ham se ḳhaar khāte haiñ

raat bhiig jaatī hai jugnuoñ kī bārish se

jhuTpuTe meñ vo aksar giit gungunāte haiñ

shakl kab badal jaa.e Dar hai is liye 'sarvat'

ghar pe log nāmoñ kī taḳhtiyāñ lagāte haiñ

log apni taswiren waqt se chhupate hain

'aks to haqiqat ke aaine dikhate hain

KHushbuon mein phulon ki ahl-e-dil nahate hain

ban-sanwar ke mahfil mein aap jab bhi aate hain

zindagi ki rahon mein phul muskuraate hain

log sinf-e-nazuk se qurbaten baDhate hain

kaise bhul jaun main dhundli dhundli yaadon ko

ye KHayal to meri himmaten baDhate hain

kya hasin rishta tha chandni ka aangan se

aaj bhi nigahon mein KHwab jagmagate hain

sham se nikalte hain raat ka safar le kar

intizar ke suraj subh Dub jate hain

kab mizaj badlega zindagi ke mausam ka

phul se badan wale hum se KHar khate hain

raat bhig jati hai jugnuon ki barish se

jhuTpuTe mein wo aksar git gungunate hain

shakl kab badal jae Dar hai is liye 'sarwat'

ghar pe log namon ki taKHtiyan lagate hain