log jab zist ke sahra mein simaT jate hain

log jab ziist ke sahrā meñ simaT jaate haiñ

har ghanī chhāñv se betāb lipaT jaate haiñ

zaḳhm ke phuul hasīñ jism meñ khilte haiñ jab

saikḌoñ TukḌoñ meñ ham TuuT ke baT jaate haiñ

dard-e-dil shīsha-e-ehsās ke rakhne vaale

daur-e-taḳhrīb kī har gard meñ luT jaate haiñ

hādse ziist meñ kuchh aise bhī aate haiñ kabhī

dars-e-hastī kī tarah log unheñ raT jaate haiñ

zindagī narm-ḳhirāmī se guzar jā.egī

ġham ke bādal kabhī ghirte kabhī chhaT jaate haiñ

amn ko qatl agar karne kī baat aatī hai

rishta-e-shorish-e-hangām se kaT jaate haiñ

shiddat-e-hausla jab baḌh ke dikhā detā huuñ

lashkar aaseb ke āñgan se palaT jaate haiñ

mujh se ik shaḳhs ne kyā ḳhuub kahā thā 'betāb'

gahre saa.e bhī kaḌī dhuup meñ ghaT jaate haiñ

log jab zist ke sahra mein simaT jate hain

har ghani chhanw se betab lipaT jate hain

zaKHm ke phul hasin jism mein khilte hain jab

saikDon TukDon mein hum TuT ke baT jate hain

dard-e-dil shisha-e-ehsas ke rakhne wale

daur-e-taKHrib ki har gard mein luT jate hain

hadse zist mein kuchh aise bhi aate hain kabhi

dars-e-hasti ki tarah log unhen raT jate hain

zindagi narm-KHirami se guzar jaegi

gham ke baadal kabhi ghirte kabhi chhaT jate hain

amn ko qatl agar karne ki baat aati hai

rishta-e-shorish-e-hangam se kaT jate hain

shiddat-e-hausla jab baDh ke dikha deta hun

lashkar aaseb ke aangan se palaT jate hain

mujh se ek shaKHs ne kya KHub kaha tha 'betab'

gahre sae bhi kaDi dhup mein ghaT jate hain