log jo hamraaz hamdam dost ban kar aae hain

log jo hamrāz hamdam dost ban kar aa.e haiñ

āstīnoñ meñ chhupā kar vo hī ḳhanjar laa.e haiñ

khul ga.ī muTThī hamārī to ye andāza huā

band muTThī meñ qazā ham saath le kar aa.e haiñ

diin kī jānib hamārā dhyān jaatā hī nahīñ

mas.ale duniyā ke ham ko is qadar uljhā.e haiñ

koī mahbūb-e-ḳhudā hai aur hai kāfir koī

is tafarruq ne tamaddun ke sabaq jhuTlā.e haiñ

har farīze se jinheñ mā’zūl honā thā vahī

hukmrāñ ban kar nayā aa.iin le kar aa.e haiñ

log jo hamraaz hamdam dost ban kar aae hain

aastinon mein chhupa kar wo hi KHanjar lae hain

khul gai muTThi hamari to ye andaza hua

band muTThi mein qaza hum sath le kar aae hain

din ki jaanib hamara dhyan jata hi nahin

masale duniya ke hum ko is qadar uljhae hain

koi mahbub-e-KHuda hai aur hai kafir koi

is tafarruq ne tamaddun ke sabaq jhuTlae hain

har farize se jinhen ma’zul hona tha wahi

hukmran ban kar naya aain le kar aae hain