log kahte hain bahut humne kamai duniya
log kahte haiñ bahut ham ne kamā.ī duniyā
aaj tak merī samajh meñ nahīñ aa.ī duniyā
jab nazar nāma-e-a.amāl ke daftar pe paḌī
nekiyoñ par mujhe ubhrī nazar aa.ī duniyā
zāhirī āñkhoñ se dekho to dikhā.ī de pahāḌ
bātinī āñkhoñ se dekho to hai raa.ī duniyā
ye qadam tere ta.āqub meñ chale haiñ kitnā
ye batā.egī mirī ābla-pā.ī duniyā
jitne dukh-dard tahā.if meñ diye hai tū ne
le ke aa.egī azal sab kī davā.ī duniyā
'faiz' jo phirtī hai ḳhud ḳhāna-ba-doshoñ kī tarah
kyā karegī vo merī rāh-numā.ī duniyā
log kahte hain bahut hum ne kamai duniya
aaj tak meri samajh mein nahin aai duniya
jab nazar nama-e-amal ke daftar pe paDi
nekiyon par mujhe ubhri nazar aai duniya
zahiri aankhon se dekho to dikhai de pahaD
baatini aankhon se dekho to hai rai duniya
ye qadam tere taaqub mein chale hain kitna
ye bataegi meri aabla-pai duniya
jitne dukh-dard tahaif mein diye hai tu ne
le ke aaegi azal sab ki dawai duniya
'faiz' jo phirti hai KHud KHana-ba-doshon ki tarah
kya karegi wo meri rah-numai duniya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
