log koshish mein hain mera qad ghaTane ke liye

log koshish meñ haiñ merā qad ghaTāne ke liye

par ḳhudā raazī hai merā qad baḌhāne ke liye

bevafā kī dāstāñ mujh ko sunāne ke liye

log aa jaate haiñ merā ġham baḌhāne ke liye

tum hamāre sāmne zikr-e-nabī karte raho

itnā bas kaafī hai dil ko chain paane ke liye

itnī tañg-dastī hai ab bhī is qadar mehnat ke baad

kis qadar dushvāriyāñ haiñ ghar chalāne ke liye

ġham tirā āvāz detā hai batā maiñ kyā karūñ

maiñ gayā thā lauT kar vāpas na aane ke liye

habs-e-dil baḌhne lagā to khul ke phir ham ro diye

ye salīqa thā hamārā ġham bhulāne ke liye

sab tahā.if maiñ ne tere kar diye vāpas magar

haath meñ ek chain rakkhī hai ghumāne ke liye

log koshish mein hain mera qad ghaTane ke liye

par KHuda raazi hai mera qad baDhane ke liye

bewafa ki dastan mujh ko sunane ke liye

log aa jate hain mera gham baDhane ke liye

tum hamare samne zikr-e-nabi karte raho

itna bas kafi hai dil ko chain pane ke liye

itni tang-dasti hai ab bhi is qadar mehnat ke baad

kis qadar dushwariyan hain ghar chalane ke liye

gham tera aawaz deta hai bata main kya karun

main gaya tha lauT kar wapas na aane ke liye

habs-e-dil baDhne laga to khul ke phir hum ro diye

ye saliqa tha hamara gham bhulane ke liye

sab tahaif main ne tere kar diye wapas magar

hath mein ek chain rakkhi hai ghumane ke liye